શાળા એટલે એવી દિવ્ય જ્ઞાનભુમિ જયાં સંસ્કાર, સૌરભ અને જ્ઞાનગંગા વહે. જે જીવન જીવવા માટેની દિવ્યઔષધિઓ તૈયાર કરતું ઉપવન અને આવા જ દિવ્યઔષધિઓ તૈયાર કરતાં ઉપવનમાં નાના સુંદર - સુગંધિત ફુલો ખીલીને એક મધમધતુ જીવન તૈયાર કરતી તીર્થભૂમિ એટલે શાળા. શિક્ષણ એ જીવનના દરેક ક્ષેત્રને સ્પર્શતો વિષય છે. સમાજ, રાષ્ટ્ર કે વિશ્વની કોઈ પણ વ્યકિત શિક્ષણથી અલિપ્ત રહી શકે તેમ નથી. શિક્ષણ જીવન જેટલું જ વિશાળ અને ઊંડાણ ધરાવે છે. શિક્ષણ એ માત્ર વૈધિક શિક્ષણ પૂરતું સીમિત રહયું નથી. તે તો ગર્ભાધાનથી મૃત્યુ પર્યંતની પ્રક્રિયા છે. દિવ્ય જ્ઞાનરૂપી વિચારને હકીકતમાં ફેરવતું સ્વપ્ન એટલે 'શ્રી સ્વામિનારાયણ કન્યા વિદ્યામંદિર.' જે શ્રી સ્વામિનારાયણ મંદિર ભુજ દ્વારા સ્થપાયેલ પ્રથમ કન્યા શાળા છે. આ શાળા જૂન ર૦૦૬થી ધો.૮ના એક વર્ગમાં કુલ 68 વિદ્યાર્થીનીઓ અને ત્રણ શિક્ષિકા બહેનોથી શરૂ કરવામાં આવી છે.

'' મનુષ્ય શરીરમાં અને આત્મામાં જે શ્રેષ્ઠ છે તેને બહાર લાવવું તેનું નામ શિક્ષણ.''
'' પ્રવૃતિ ક્રિયા-ઉદ્યોગ-કાર્યાનુભવ-સર્જન દ્વારા શિક્ષણ..........''